Seguransa Fronteira Fraku, Deskonfia Kilat Ilegal Tama TL

Fahe Tutan

Naunil Media (Díli), Xefe Estadu Maior Jeneral FALINTIL-Forsa Defeza Timor-Leste (F-FDTL-Sigla Português), Maijor Jeneral Lere Anan Timur, hateten deskunfia kilat illegal tama iha Timor tanba seguransa iha fronteira mak fraku.

Jeneral Lere hateten asuntu ne’e ba jornalista sira hafoin reuniaun regular ho Prezidente Repúblika Francisco Guterres ‘Lú Olo’, iha Palasiu Prezidensiál Bairo Pité, Kuarta (19/02/2020).

“Informa ba prezidente da repúblika kona-ba situasaun rai laran, informa situasaun forsa armada nian, Bele dehan siguransa rai laran la’o ho diak, maibe ita preokupa ho liña fronteira, tamba ita nia liña ne’e naruk liu”, hateten eis gerileiru komandante rejiaun um Ponta Leste, Lere Anan Timur.

Ema númeru um iha instituisaun F-FDTL ne’e hateten liu tan, “Informasaun balun katak iha ema balun aproveita situasaun nee hodi lori kilat tama iha Timor maibe nee sei iha deskonfia nia laran tanba hare ba realidade seguransa iha lina fronteira la máximu”.

Núdar ema rejistensia durante tinan 24 iha Ai-Laran, Lere kontinua lafiar kilat ilegal tama iha Timor, maske nune’e nia sei tau konsiderasaun tanba rekuiñese katak seguransa iha fronteira fraku.

Relasiona ho informasaun ne’e Lere sei monta tan forsa politaun ida iha liña fronteira entre postu Tunu Bibi no Tilomar Munisipiu Covalima.

Lere kontinua husu ba ba mebru sira F-FDTL hodi hala’o serbisu ho nasionalimsu netralidade garantia seguransa iha rai laran. Dms

Leave a Reply

Your email address will not be published.