Rafael: Konstrusaun Portu Tibar Difikulta Lisensa Ambiental Husi ANPM
Naunil Média (Díli), Diretor Ezekutivu Timor-Port, Rafael Ribeiro informa, Aktividade konstrusaun iha Portu Tibar la’o normal hanesan babain, Maibé difikuldade hasoru mak lisensa ambiental husi autoridade Nasionál Petrolifero Minerais ANPM Kona-ba Tula fatuk.
“Agora dadaun ne’e aktividade konstrusaun iha portu Tibar la’o normal maibé problema bo’ot ida ami hasoru maka lisensa ambiental husi ANPM ne’ebé mak to’o agora seidauk prolonga ka extende ami nia lisensa atu tula fatuk iha madohi” Dehan Diretor Ezekutivu Timor-Port Rafael Ribeiru ba Jornlista sira, iha nia kna’ar fatin Bebonuk, tersa (29/06).
Nia haktuir Ho rajaun ANPM seidauk extende lisensa tanba bainhira tula fatuk maka estraga estrada barak balun, Ho nune’e ANPM husu reponsabilidade ida ne’e.
“Maibé Timor-Port sei la respomsavel, Ami ladun satisfas tanba ne’e estrada publiku ema hotu hotu uza, sira halo ida ne’e maibé kareta seluk la halo, sira uza ida ne’e hanesan mitigasaun ba estradaba buat sira”
Rafael hatutan se ANPM la extende ne’e fó impaktu bo’ot ba kontrusaun Portu Tibar ne’ebé dalaruma sei remata tarde.
“Konstrusaun ne’e ho durasaun tinan tolu ho padraun internasionál ne’ebé ezekuta liu husi parseiru Timor-port publiku no privadu entre konsorsiu belore no Governu Timor-Leste,” Haktuir Diretor Ezekutivu.
Entertanto, ponte kais previstu 2 ho metru Atus ne’e resin no bele akumula kontetor liu rihun walu. Leo/Ina
