Dialogu “OSS” Rekonfigurasaun Seguransa Liña Fronteira
Naunil Media (Díli), Organizasaun Sosiedade Sivil (OSS) halo dialogu kona-ba pasagem ilegal rekonfigurasaun seguransa iha lina fronteira no politika extradisaun.
“ Dialogo ida ne’e ita sei asembleia ita nia ideia sira hotu, depois sei kontribui ativa ba Ministeriu relevante atu halo desizaun ruma tenki tetu aspetu hotu-hotu”. Dehan Diretor ezekutivu FONGTIL Daniel dos Santos ba jornalista, iha salaun CNE, Sexta (24/09)
Daniel haktuir, labele hare de’it pasagem ilegal halo ita atu muda ita ninia politika iha fronteira, no labele tan de’it pasagem ilegal halo ita tenki ansi los halo konfigurasaun ba ita ninia Forsa sira.
“Pasagem ilegal ne’e halo husi sidadaun Timor, entaun ita nia rekomendasaun mak tenki hare’e ba fronteira ne’e husi parte hotu-hotu, tanba fronteira ne’e hare asuntu luan la’os hare klo’ot tanba de’it pasagem ilegal.” Haktuir FONGTIL Daniel
Nia Esplika, Ita hare ona katak iha buat ruma ne’ebé ita hahu politika ba hakotu fronteira terestre seida’uk finaliza, sei iha hela prosesu komunikasaun di’ak ho Ministru Negosiu Estrangeiru Ko’operasaun (MNEK) ho autoridade husi Indonesia atu nune’e bele rezolve fronteira.
Daniel hatete, Tenki halo diskusaun no tenki halo konsultasaun, maibe laos konsultasaun de’it iha interna rai laran tenki loke komunikasaun ho autoridade iha Indonesia no tenki konsultasaun ida klean ho identidade hotu-hotu iha rai laran ho Parlamentu Nasional (PN), Governu, inklui orgaun soberania ha’at.
“ Tanba ne’e mak ita dehan politika governu bele koalia maibé ita nia hanoin mak ne’e, tenki loke konsultasaun klean ba asuntu Ida ne’e,” Tenik nia, LTS
