Iha Suku Bauro, CNE Hala’o Edukasaun Sivika

Naunil Média (Lautém),  Quarta (09/02), Iha Suku Bauro, Postu Administrativu Lospalos, Munisípiu Lautém, Comicao Nasionál Eleições (CNE), hala’o Edukasaun Sivika ba komunidade sira, Atu promove esklaresimentu kona-ba Aktu Eleitoral no Eleisaun ne’ebe rezilente ho Covid-19.

Komisariu CNE, Munisípiu Lautém, Olavio Da Costa Monteiro de Almeida, hateten, aktividade ne’e hanesan preparasaun ida atu bele informa lala’ok kampaña no Eleisaun Prezidensial tinan 2022, Atu komunidade sira bele partisipa ho di’ak.

“ Prezidente da Repúblika Francisco Guterres “Lú-Olo Dekreta loron eleisaun CNE kontinua halo preparativu ba  Eleisaun Prezidensial liu hosi halo formasaun ofisiál supervizaun no mós halo edukasaun sivika iha Munisípiu Lautém, Nune’e Eleisaun ne’e bele la’o ho pasfiku,” Dehan Komisariu CNE Lautém, Olavio da Costa, ba jornalista sira, iha sede suku Bauro, Quarta, (09/10).

Fatin Hanesan Xede Suku Bauro, Sidalio Freitas, Sente kontenti ba aktividade edukasaun ne’e tanba bele motiva komunidade sira, oinsa bele partisipa iha Eleisaun Prezidensiál.

” Hau sente kontente tanba ida ne’e primeira vez CNE hala’o nia aktividade iha ne’e, no ida ne’e parte ida atu motiva komunidade sira bele partisipa maximu iha eleisaun prezidensiál ida.” Esplika Sidalio Preitas.

Aktividade hala’o iha Sede Suku Bauro ne’e hetan partisipasaun maximu hosi, Komisariu CNE, Diretór STAE, no Lider Komunitaria iha suku refere, inkuli Komunidade sira. Ze