Defisiente Maria: Husu Kandidatu PR Na’in Rua, Karik Eleitu, Ukun Nasaun ho Di’ak
Naunil Media (Díli), Defisiente Maria Regina Tavares de Jesus ho idade 27 hela iha Farol husu ba kandidatu prezidente Repúblika (PR) na’in rua karik bainhira eleitu ba prezidente Repúblika tenke haree povu no ukun nasaun ho di’ak.
“Nu’udar defisiente ha’u nia aspirasaun mak hili Nai ulun ida ne’ebé mak manán bele haree povu ida ne’e, tenke ukun di’ak, mesmu nudar defisiente mós bele kontente bainhira nai ulun ne’ebé mak ukun ho di’ak”, dehan defisiente Maria Regina Tavares de Jesus ba jornalista hafoin ezerse nia direitu ba votu iha EBC Farol, Tersa (19/4).
Enkuantu Hanesan ema ho defisiensia presiza husu ajuda Nai ulun sira ne’e la’ós de’it haree ba material, maibé ho sira nia ukun di’ak no hanoin di’ak ba nasaun ida ne’e defisiensia mós senti kontenti hotu.
“Ami defisiente durante ne’e hetan apoia kursi roda husi Organizasaun Naun Governamental (ONG) de’it, ne’ebé ho apoiu sira ne’e governu sira mós tenke apoiu ami defisiensia sira, labele ONG de’it mak apoiu”, Nia hakotu. LTS
