DesportuFEATUREDNews

Kopa FFTL 2020, Nagardjo Hamihis Esperansa AS Marka ba Oitavu Finais

Fahe Tutan

Naunil Media (Díli), FC Nagardjo hamihis esperansa AS Marka atu hakat ba faze oitavu finais Kopa Federasaun Futebol Timor-Leste (FFTL) 2020, hafoin rezultadu jogu ekipa rua 1-3, iha Estadiu Munisipal, Sesta (02/10).

Jogu komesa lao hetan kontra no atake mai hosi Ekipa rua ne’e, maibe tama ba iha minutu tolu sorti di’ak monu ba ekipa FC Nagardjo hodi fura uluk golu ida ba rede AS Marka, liu husi jogador Rique Alves, ho numeru kamizola 10 nune’e eskor muda ba 1-0.

Jogu kontinua la’o to’o ba minutu 36 rede AS Marka tolan tan golu ba daruak, liu husi  Bendito Ximenes, nune’e score muda ba 2-0.

Jogu kontinua manas, maibe la rezulta golu ruma to’o jogu dahuluk termina, nune’e score mantein 2-0.

Jogu segundu parte, AS Marka halo mudansa ba tatika jogu, liu husi subtituisaun jogador nian, nune’e iha minutu 65 As Marka hetan oportunidade ba iha area penalidade, hosi bola fallta ne’e disidi  jogador Ezquiel da Cruz ne’ebe sai ezekutor maibe failla tanba salva husi  guarda rede FC Nagardjo.

Minutu 71 ekipa AS Marka hetan tan oportunidade ba daruak hodi suta  penalti, no deside suta hosi  Jogador Pascoal Fernandes ne’ebe sai mos hanesan ezekutor ho susesu fura rede FC Nagardjo, hodi hamihis score ba 2-1.

Ho escore refere halo ekipa  AS Marka esforsu hodi halo empata jogu, maibe iha minutu 90 ekipa FC Nagardjo marka tan golu ida hodi haboot liu tan score ba 3-1. Score refere to’o termina la iha golu ruma nune’e jogu hotu vitoria ba FC Nagardjo.

Husi rezultadu ne’e lori ekipa FC Nagardjo okupa iha pozisaun daruak ho pontus 4 husi joga dala 4 manan dala ida empata dala ida no lakon dala rua.

Entertantu ekipa AS Marka okupa iha pozisaun ikus ho pontus 3 husi joga dala tolu manan dala ida no lakon dala rua.  

Ekipa AS Marka sei joga tan dala ida iha jogu ikus sei kontra Fitun Estudante, hanesan determinasaun ba ekipa rua atu hakat ba oitavu finais Copa FFTL 2020. Dvo/Emj7

Leave a Reply

Your email address will not be published. Required fields are marked *