Asanami Lamenta ho Impedimentu Traballadór ba Irlanda no Inglatera
Naunil Media (Díli), Bankada Partidu Demokrátika, Deputadu Mariano Sabino Asanami, hateten lamenta tebes ba impedimentu traballadór sira ne’ebé mak atu ba servisu iha Irlanda no Inglatera.
“Iha Sábadu semana kotuk joven lubun ida atu selu aviaun ba servisu iha Irlanda, Inglatera, no balu ba Portugal, sira prontu atu selu aviaun, husi parte Guvernu mak tarde thia”, Deputadu Mariano Sabino Asanami, liu husi intervensaun debate Estadu Emerjénsia, ba dahituk iha Uma fukun Parlamentu Nasionál, Tersa (27/10).
Asanami esplika, “traballadór kuaze 200 mak ita tenke fasilita, ita hatene katak la iha inan aman ida husik nia oan ida sai ba rai liu atu ba eskola ka ba servisu la iha familia ida hakarak, maibé kampu servisu iha ita nia rai-laran la iha ita la iha dalan”.
Atual Sekretáriu Jéral PD, Asanami husu ministeiru transporte no komunikasaun atu rezolve situasaun ne’e.
“Ministeiru Transporte no Komunikasaun, no mos Ministeiru Negosius Estranjeirus no Kooperasaun tenke sensível lalais labele husik liu tiha depois la fó dalan ba ita-nia traballadór sira atu ba sevisu iha rai liur”, dehan Eis-Ministru Agrikultura no Peska, Asanami. Lop
