Janeiru To’o Outubru PNTL Bobonaru Rezista Asidente Trafiku 57, Mate Nain Hitu

Naunil Media (Bobonaru), Hahu fulan Janeiru to’o Outobru, Polísia Nasionál Timor-Leste liu husi Unidade Trânzitu Munisípiu Bobonaro, rezista kazu asidente trafiku hamutuk 57 no mate nain hitu (7).

Asuntu ne’e informa husi husi Komandante Trânzitu, José B. Soares, ba jornálista sira iha nia kna’ar fatin Komandu Munisípiu Bobonaru, kuarta (11/11).

“Hahú husi Janeiru to’o agora, totál kazu asidente trafiku hamutuk 57 no iha ema na’in hitu mak mate iha kazu asidente ne’e”, informa Sarjentu Xefe, José B. Soares 

Nia esplika, kazu hirak ne’e, kazu rua mak prosesu la’o ona iha tribunal hodi rezolve tuir lei no iha kazu ne’e maioria mak rezolve tuir família.

“Trânzitu atu hato’o mensajen mak ne’e, komunidade sira ne’ebé kondus kareta ka motor tenke kuidadu aan tenke iha SIM no lori motor ho kareta halai ho velosidade minimu no kumpri regra sira bele evita asidente trafiku”. Apela komandante ne’e. Nfm