Ahi Han Uma Ida iha Same, Vítima : La Salva Dokumentu Sira Importante Inklui $200.00
Naunil Media (Manufahi), Kuarta (11/11) ne’e, akontese ahi han uma ida iha Aldeia Maniko, suku Lete-Foho, postu administrativu Same. Akontesimentu ne’e rezulta familia vítima sira tenki lakon dokumentu inportante sira inklui sasan uma laran.
Vítima Silvina Santa Antonis, informa kronolojia, molok atu ba servisu nia-rasik hamate ona lilin sunu iha oratorio, maibe derpenti de’it rona ahí haan uma.
“Mais ou menus tuku ualu (8) dader, hau atu ba servisu, hau nia oan sira mos atu ba eskola. Hau haree iha lilin lakan hela iha ortoriu, hau rasik mak ba hamate lilin ne’e, bainhira hau to’o iha servisu fatin, rona ahi han uma. Sasan uma laran laiha ida mak salva, inklui osan ho montante duzentus dolares (200) la salva”, hataten esplika Vítima Silvina, iha fatin akontesementu.
Dokumentus sira importante la salva mak hanesan, ID Card, ATM BNCTL, Rekening, Kartaun Eleitoral, Sertidaun RDTL, Diploma no sertidaun batizmu.
Relasiona ho akontesementu ne’e jornalista koko halo komfirmasaun ho parte Minísteriu Sólidariedade Sosiál Munisipiu Manufahi, maibe seidauk konsege. Nfm
