01 Jullu 2020, ISC Sei Hahu Aktividade Aprendijazen

Fahe Tutan

Naunil Madia (Díli), Reitór Institutu Superior Cristal (ISC), Sebastião Pereira, informa loron 01 fulan Jullu tinan 2020 ne’e ISC sei hahu hikas aktividade aprendijazen, tanba priense ona kriteria prevensaun husi Minstériu Saúde (MS), Organizasaun Mundial Saúde (WHO-Sigla Ingles) no Ministériu Ensinu Superior, Siênsia no Kultura (MESSK).   

“Ami nia aprendizajen sei hahu iha 01 Jullu, tanba priense ona kriteia husi Organizasaun Saúde Mundial, Ministeiru Saúde no hetan ona despaixu husi Ministeiru Ensinu Superior Siênsia no Kultura”, Reitor ISC, Sebastião Pereira, ba jornalista sira iha nia kna’ar fatin Balide, Segunda (29/06).

Reitor ISC, Sebastião Pereira, informa liu-tan sei halo dezenfekta ba sala de aula no kompleta-tan preparasaun seluk tuir kritéria prevensaun COVID-19.

“Ami monta ona triazen protokolu ba estudante sira hodi teste sira nia temperatu antes tama sala de aula. Ami nia estudante husi departamentu infermajen mak sei hein no halo observasaun ba estudante sira ne’ebé mak  tama no sai husi ambiente Cristal nian”, esplika Reitor ISC ne’e.

Kona-ba distansia social, Sebastião Pereira , esplika turma ida sei akumula estudante 20 no estudante ida sei okupa meza ida.

“Ami nia estudante kada aula ida hamutuk 40, tanba deit ami kumpri ona orientasaun husi Ministéiru Saúde, entaun turma ida sei priense deit ema nain-20 no durasaun ba oras aprendejazen nian kada departamentu ida masimu oras rua”, haklean Reitór ne’e.

Ikus-liu nia informa, durante periodu estadu emerjésia, ISC mos eskola on-line (Watsaap, Zoom no Google Klasroom), iha ne’ebé mairia estudante mak partisipa ho pursrntu 78,30 (%) no pursentu 21,70 (%) la partisipa tanba laiha telefone android no difisil atu asesu liña internete.

Tuir observasaun jornalista Naunil Media iha terenu, dadaun ne’e kuaze profesor no estudante sira uza maskra hodi ativa iha eskola no monta ona bee atu fase liman tuir kriteria prevensaun COVID-19. Jjf

Leave a Reply

Your email address will not be published.