Japaun ho UNICEF Sei Apoia Ambulansia Unidade 37 ba TL
Naunil Media (Díli), Embaixadór Japaun iha Timor-Leste (TL), Kinefuchi Masami, hateten Governu Japaun servisu hamutuk ho UNICEF sei apoiu ambulasia unidade 37 ba Governu hodi apoiu atendimentu servisu saúde Timor-Leste.
“Alein de servisu ho UNICEF, Japaun mos fornese ekipamentu sira médiku kualidade di’ak oioin, inklui kareta ambulânsia 37, ne’ebé nia valor milliaun $4.6. Loron dahuluk ekipamentu sira ne’e agora daudaun sai ona husi Japaun espera katak sei to’o iha Timor tempu besik”, Embaixadór Kinefuchi Masami, ba Jornalista sira hafoin serimónia entrega ekipamemtu prevensaun, iha sentru Saúde Formosa, Segunda (30/11).
Diplomata ne’e hatutan, maske dadaun ekipa balun seidauk entrega maibe balun komesa entrega ona ba hodi bele ajuda komunidade sira iha Situasaun COVID-19.
“Ohin entrega konjuntu ekipamentu atu fasilita atividade promosaun Saúde hanesan rede/screen atu monta iha sala sentru Saúde sira, projetores no komputadores hodi fasilita atividade hodi hasae konsientizasaun komunidade nia konaba Saúde, tamba ne’e sasan hirak ne’e sei uja la’os deit iha sentru Saúde Formosa maibe mós ba iha Saúde sira seluk iha Timor-Leste”, nia hatutan
Diretora Jerál Prestasaun Saúde, Dra. Odete Viegas, hateten ekipamntu hirak ne’e Governu Japaun ho UNICEF oferse ba Ministériu Saúde la’os atu foku de’it ba iha prevensaun COVID-19.
“Ekipamentu hirak ne’e ita atu hala’o servisu ba COVID-19 maibe hala’o mos ba servisu inklui programa saude sira seluk”, hateten Dra. Odete.
Nia dehan, apoiu hirak ne’e hanesan kontinuasaun husi Governu Japaun, USAID, Word Band, Uniaun Europeia, UNICEF no seluk tan. Dms/Dul
