Naldo: Hapara Eskola Faan Manu Tolun Sustenta Nesesidade Familiár
Naunil Media (Díli), Negosiante Manu Tolun Naldo Oki ho idade 13 husi Oe-Kuse hateten, deside hapara eskola faan manu tolun iha sidade Díli hodi sustenta neseidade vida famíliar nian.
Iha Timor-Leste ratifika Konvesaun Nasoins Unidas kona-ba Direitu Labarik nian iha tinan 2003 no aprezenta ona ninia relatóriu dahuluk ba Komité kona-ba Direitu Labarik nian iha tinan 2007.
Nune’e Iha Konvensaun kona-ba Diretu Labarik (KDL) hatete labarik ida-idak iha diretu atu hetan protesaun espolitasaun husi ekonomiku, maibé Naldo haree nesesidade uma laran la sufisiente hodi sustenta vida moris familiár nian ho ida ne’e nia rasik mak foti dezisaun la’ós husi inan aman mak obriga, maibé nesesidade mak obriga hodi hala’o atividade negosiu.
“Ha’u mai husi Oe-Kusse iha tinan 2019, tanba nesesidade ami-nia uma laran. Nune’e ha’u foti dezisaun hodi hapara ha’u-nia estudu iha klase 3 pre-sekundária, atu mai faan manu tolun iha sidade Díli. Ha’u mai inan aman la hatene, ha’u halai subar importante loron ida ha’u hetan osan liu husi faan manu tolun oferese ba sira”, dehan Naldo Oki ba Naunil Media iha jardín Largo Lecidere, kinta foin lais (25/02).
Naldo hateten,“ha’u-nia inan aman moris ho agrikultor, maibé ha’u-nia pai matebian ona. Oan husi inan faluk Juliana Kefi no aman matebian ho Mateus Kolo hamutuk na’in tolu mane na’in-2 no na’in feto 1. Naldo nudar oan da-ikus husi maun alin nain rua, maun alin nain rua sei kontinua estudu iha Oe-Kuse”.
Naldo konta, objetivu mai Díli hodi halo negosiu faan manu tulun iha Díli, hela ho pai ki’ik iha Ai-trak Laran, dadersan la’o ain husi ne’eba mai to’o Bairu Pité hodi hola manu tolu tasak rak ida, ida folin $4.50 sen, la’o husi Bairu Pité to’o Motaiel, husi Motaiel to’o iha jardín 5 de Maiu, husi jardim 5 de Maiu ba Largo Lecidere faan to’o ema hola hotu manu tolun, mak foin fila ba uma la’o ain nafatin.
“Loron ida ha’u faan manu tolun tasak rak ida, manu tolun tasak ida ho folin $ 0.25 sentavus, loron ida ha’u hetan osan husi faan $20 dollar, kalan ha’u fila ba uma la’o de’it”, Oki subliña.
Oan da-ikus husi Juliana Kefi ne’e hatutan, faan manu tolu kuaze tinan rua kada fulan haruka osan $40 dolar ba nia inan faluk no maun no alin sira iha Oe-kusse.
“Besik tinan rua resin ona, ha’u mai iha Díli hodi faan manu tolun tasak, fulan ida ha’u haruka osan $40 dolar ba ha’u-nia inan faluk maun no alin sira iha Oe-Kuse tanba ha’u-nia apa mate tiha ona hela de’it ha’u-nia inan”, nia realsa.
Maske loron-loron manu tolu ninia rak tula iha Naldo nia kabas hodi tama sai jardín sira sidade Díli, maibé Naldo nafatin nakonu ho esperansa katak iha tinan 2023 sei kontinua fila fali ninia estudu.
“Ha’u komesa rai ona osan, no planu ha’u sei kontinua fali ha’u-nia estudu iha tinan 2023 no hakarak mós aprende sai kondutór”. Naldo hakotu. Lop