CCLN Sujere PR Lú Olo Foti Desizaun Imparsial Hakotu Impase Polítiku

Fahe Tutan

Naunil Media (Díli), Konsellu Kombatente Libertasaun Nasionál (CCLN-Sigla Português) sujere ba Prezidente Repúblika (PR) Francisco Guterres ‘Lú Olo’ rezolve impase politiku bazeia ba desizaun imparsialidade.

Sujestaun ne’e hato’o husi Prezidente CCLN, Vidal de Jesus ‘Riak Leman’ hafoin reuniaun ho Xefe Estadu Timor-Leste Lú Olo, iha Palasiu Prezidensiál Nicolau Lobato Bairo Pité, Díli, Segunda (03/02/2020).

“Ami mai hanesan veteranus hodi fó hanoin ba sua exelentisimu Prezidente Repúblika hodi solusiona impase politíku. Presidente tenke hola dezisaun imparsialidade no tuir lei ne’ebé mak vigór iha konstituisaun RDTL”, hateten Riak Leman.

Tuir eis gerileiru husi rejiaun quarto ne’e katak, atu resolve situasaun politika rai laran ne’e fasil, enkuantu líder rezistensia sira atu hakoak malu.

“Imi (líder rejistensia sira) tur hamutuk hodi hakotu ona impase politíku, iha tempu funu imi nain hira ne’e mak hamutuk ho povu tomak hakotu funu, tanba ne’e hau hanoin katak ne’e buat fasil ida”, tuir veteranu ne’e.

CCLN nafatin fó esperansa ba líder sira historiku rezistensia nian atu hamutuk hakotu situasaun poitiku atuál rai laran. Ikus liu veteran ne’e husu ba povu, liliu joven sira atu hakmatek hodi hein Xefe Estadu foti desizaun tuir kompetensia núdar aman nasaun. Lop

Leave a Reply

Your email address will not be published.