Povu Oe-Cusse Hakarak Estrada Di’ak, Eletrisidade no Postu Saude
Naunil Média (Díli), Prezidente Autoridade Rejiaun Adiministrativa Espesiál Oe-Cusse Ambeno (RAEOA) no Zona Espesiál Ekonomia Sosiál Merkadu (ZEESM), José Luis Guterres ‘LUGU’, hateten povu iha Oe-Cusse hakarak asesu estrada di’ak no eletrisidade.
LUGU hateten asuntu ne’e ba jornalista sira hafoin sorumutuk ho Primeiru Ministru Taur Matan Ruak, iha Palasiu Governu, Tersa (18/02/2020).
“Foin lalais hau ba vizita suku tolu ho aldeia balun iha RAEOA, hanesan suku Malelat, suku Avani, Aldeia Tumin pretense ba suku Bobometo no Kapela Santa Relique. Ita nian populasaun iha ne’eba sira la hakarak buat barak, sira hakarak mak hadia estrada de’it hakarak bee no eletrisidade no postu saúde”, informa Prezidente RAEOA- ZEESM , José Luis Guterres ‘LUGU’.
Nia dehan, “Agora dadaun ne’e hau iha Díli maibe karik iha problema ne’ebé relasiona ho Oe-Cusse nian, hau hamutuk ho ekipa tomak esforsu hodi bele buka dalan ida ne’ebe que di’ak”.
Líder autoridade RAEOA ne’e akresenta katak, sei realiza bebeik reuniaun ho empreza sira mai husi Indonezia atu bele haree no kompleta projetu sira ne’ebe dadaun ne’e la’o hela. Fte
