Lasama Fans Club ho Estudantes Bobonaro Husu Kontribuisaun Ba Apoiu Insendiu Colégio Maliana
Naunil Media (Dili), Lasama Fans Club hamutuk ho Asosiasaun Estudante no Juventude Munisipiu Bobonaro husu kontribuisaun ba kumunidade iha Díli hodi apoiu ba Colégio Maliana tanba afeitadu insendiu iha Kinta (27/02/2020).
Responsavel maxímu Lasama Fans Club, Apolo Justino Franca da Silva, hateten sira hahu la’o husu kontribuisaun núdar asaun solidariedade atu bele apoiu ba eskola Colégio Maliana ne’ebe afeitadu insendiu.
“Insendiu foin lalais ne’e rezulta ahi han Asrama feto nian. Ahi han motuk hotu, ne’e mak liu husi Lasama Fans Club iha hanoin ida katak halo asaun solidariedade ida bele halo kontribuisaun hodi apoiu ba eskola refere”. Hateten Apolo Justino Franca da Silva Palasiu Governu, Tersa (03/03).
Nia husu ba sidadaun hotu iha capital Díli atu bele apoiu solidariedade ba v’itima sira mak oras ne’e dadaun persija urjenti.
“Atividade ne’e husi Lasama Fans Club foin hahu ohin no husu kontribuisaun ne’e Asosiasaun Estudante hala’o komesa horseik (02/03), tanba ne’e husi Lasama fans Club iha hanoin atu fó solidariedade asoens ida ne’e”, realsa Nia.
Prezidenti Komisaun Organizadora, Lucio Pires, hateten asaun ne’ebé refere mai husi inisiativa foinsa’e hodi husu kontribuisaun ba Bobonaro oan sira no povu Timor-Leste em jerál, liliu iha capital Díli,
“Ami servisu hamutuk hodi buka kontribuisaun, fundus ne’ebé ma kami hetan tuir destakamentu iha fatin estrada públiku hanesan Plaza, Merkadu no Universidade sira iha Díli laran”, dehan Nia
Tuir planu iha hafoin husu kontribuisaun, iha Sábadu loron 07 fulan Marsu ne’e, ekipa Lasama Fans Club ho estudante Bobonaro oan sei ba fatin insendiu hodi fó apoiu ba Colégio Maliana. Dvo
