FEATUREDIkus LiuNewsPolitika

Reuniaun Datoluk MKAE Ko’alia Mekanizmu Apoia Rekoperasaun Ekonómia Ba Seitór Privadu Sira

Fahe Tutan

Naunil Media (Díli), Tersa (14/04) ne’e governu konstitusionál da-ualu liihosi Ministériu Kordenadór Asuntu Ekonómiku (MKAE) realiza enkontru datoluk iha Salaun Trade Invest Colmera, hodi deskute klean kona-ba mekanizmu polítika apoia rekoperasaun ekonómia ba seitór privadu sira.

“Enkontru ohin  ne’e ba datoluk ona, atu deskute kona-ba seitór ekonomika iha ita nia rai laran (Timor-Leste), guvernu nia apoiu rekoperasaun ba media sira, ba setór ekonomiku kona-ba detalla”, informa Mistru Kordenadór Asuntu Ekonomiku ein-ezersisiu no atual Ministru Reforma Lejislativa Asuntu Parlamentár, Fidelis Manuel Leite Magelhães, ba jornalista sira hafoin enkontru.

Nia hatutan, enkontru ho menbru guvernu sira no prezensa mos hosi  governadór Banku Sentral Timor-Leste (BCTL) hodi haree ba situasaun ekonómia iha rai-laran, mekanizmu oinasa mak bele fó apoiu ba seitór privadu sira.

“Ami mós ko’alia kona-ba medida saida mak governu hosi inpaktu iha  situasaun ekomoniku, nune’e iha enkontru ne’e parte  tekniku sira mós aprejenta sira nian preokupasaun tebes iha situasaun ida agora ne’e liu-liu surtu pandemia COVID-19”, hatutan governante ne’e.

Nia dehan, estadu tenke konsidera pontu prinsipá ba medidas prevensaun no antisipa situasaun sira ne’ebé akontese tan mai.

“Ha’u hanoin detalas ne’e  sei fó sai tanba agora sei iha prosesu nian laran, deskute hotu mak foin fó sai ba públiku. Enkontru apoia rekoperasun  ekonómia ne’e rejultadu aban (15/04) mak foin aprezenta iha reuniaun konsellu Ministru”. Dehan Fidelis. Pau

Leave a Reply

Your email address will not be published. Required fields are marked *