Dr. Daniel Murphy Nia Liafuan Ikus ‘Klínika Bairro Pité Labele Taka’

Naunil Media (Díli), Liafuan ikus hosi matebian  Doutor Daniel Murphy ba funsionáriu sira iha Klínika Bairro Pité mak ‘Klinika Labele Taka’.

“Matebian nia lia menon ikus ne’ebé hodi nia rasik hameno hela mai ami maka ne’e ‘Klínika Bairro Pité Labele Taka’ tende ser la’o nafatin . To’o nia (matebian) dehan, nia sei la fila ba Amérika maibe deside hakarak iha Timor no to’o mate mos hakoi iha Timor”, haktuir Jerente  Klínika Bairro Pité, Inacio dos Santos kona-ba mensajen hosi matebian dr. Daniel Murphy ne’ebe rai hela ba funsiunáriu sira iha Klínika ne’e.

Jerente Klínika Bairro Pité haktuir ba Naunil Media, via telefone.

“Karakteristika primeiru mak nia (matebian dr. Daniel Muurphy) ne’e hadomi ema,  kuandu ema moras liu-liu ba ema kbi’it laek sira, nia nunka atu haruka fila uma, nia ema ne’ebé gosta hanorin ema . Segundu mak matebian ema ne’ebé mak hakraik-án hodi hakarak serví duni ema”, konta tuir hosi Inacio.

Tuir jerente Klínika Bairro Pité, Inacio, katak ho dr. Daniel nia mate ne’e hanesan Timor-Leste lakon tan profisionaís saúde di’ak ida mak durante ne’e fó án ho fuan tomak hodi salva ema barak nia vida.

“Ita hotu triste ho Doutor Daniel nian mate, maske nia husi rai seluk, maibe ho ninia profissaun bele hadomi timor-oan sira hotu, serví no fó tratamentu ba povu ho ho diak tebes, liuhosi ninia desidkasaun ita labale kestiona, ne’e ema hotu hatene”. Dehan Inacio. Ana