COVID-19: SEKOMS Sei Apoiu Subsídiu Espesiál Ba Jornalista Sira Iha Linña Frente
Naunil Media (Díli), Sekretariu Estadu Komunikasaun Sosial (SEKOMS), Merício Juvinal dos Reis ‘Akara’, deklara mosu Surtu Corona Virus Desease 2019 (COVID-19) mak espalla iha Timor-Leste, governu konstitusionál da-ualu liuhosi Sekretária Estadu Komunikasaun Sosial (SEKOMS) foti inisiava sei fó apoiu subsidiu espesiál ba jornalista sira ne’ebé mak hala’o kanaár kobertura iha front line (linña oin).
SEKOMS Merício Juvinal dos Reis ‘Akara’, ba jornalista sira iha Palasiu Governu, Kuarta (29/04).
Governante ne’e hateten, subsídiu hosi pursentu 60% ba media nain sira atu garantia salariu ba jornalista sira nian durante iha estadu emerjénsia, tanba ne’e subsídiu ne’e atu susesu presiza kolaborasaun hosi media nain sira.
“Asesu seluk ba jornalista sira ne’ebé halo kobertura iha aktividade COVID-19 nian iha fatin-fatin hotu. Ami husu media nain sira atu hatama jornalista nian naran ne’ebé hala’o kobertura iha front line ka linña frente”, apela Nia.
Nia informa, “Dadus kona-ba jornalista nian media balun hatama ona, maibé balun sidauk hatama. Ekipa husi SEKOMS sei kontinua follow Up media sira tenke entrega hotu naran atu bele hetan apoiu espesiál hosi SEKOMS”.
“Orsamentu ne’ebé governu aprova ona ba SEKOMS ho montante rihun $ 207 atu fó apoiu ba instituisaun komunikasaun hotu-hotu no ba jornalista sira durante iha situasaun estadu emerjénsia nian laran”. Dehan Nia. Uar
