FEATUREDIkus LiuNewsPolitika

PM Taur: “Fretilin-PD Mak Sei Prienxe Fatin Membru Governu Pendente”

Fahe Tutan

Naunil Media (Díli), Primeiru Ministru (PM) Taur Matan Ruak, hateten estrutura oitavu governu ne’ebé mak sei mamuk, ne’e sei prienxe hosi membru sira  mai hosi Fretilin no Partidu Demokrátiku (PD). Nune’e kompleta estrutura governu konstitusionál da-ualu nian, iha tempu badak xefe governu Taur sei aprezenta lista atu hetan pose hosi Prezidente Repúblika Francisco Guterres ‘Lú olo’.

Primeiru Ministru Taur Matan Ruak, ba jornalista sira hafoin sorumutu semenál ho Prezidente  Repúblika (PR) Francisco Guterres ‘Lú Olo’, iha Palasíu Prezidensíal, Bairru Píte, Kinta  (30/04).

“Governu hakarak kompleta nia membru governu, iha tempu badak hau sei haruka naran mai sua exelensia Prezidente Repúblika hodi fó posé ba membru do governu foun sira”, hateten órgaun xefe ezekutivu Taur Matan Ruak.

Eis gerileiru no atual Primeiru Ministru, Taur Matan ruak, informa “Fretilin no PD nian sei prienxe fila fali estrutura oitavu governu ne’ebé mak sei mamuk . Sei prienxe hosi membru sira  FREETILIN no PD na’in ida. Membru hirak ne’e mak hanesan, Ministru Antigu Kombatentes Meta Malik, Ministra Saúde (MS)  Odete Maria Freitas Belo, Ministru Administrasaun Estatal (MAE) Faustino Cardoso,  Ministru Finansas (MF) Fernando Hanjam, Ministru Turizmu, Komérsiu no Industria (MTKI) Manuel Vong no Vise Ministra Turizmu, Komérsiu no Industria  Inácia Teixeira”.

“Hau hakarak kompleta hau nia Governu, tanba ita hotu hatene katak durante tinan rua ona la’o ho roda tolu deit”, Salienta PM Taur Matan Ruak.  

Formasaun governu konstituisional da-ualu hahú iha tinan 2018, iha ne’ebé lideradu hosi partidu Congresu Nasionál Rekonstrusaun Timorense (CNRT) Kay Rala Xanana Gusmão mak halibur Partidu sira hanesan Partidu Libertasaun Povu (PLP), Kmanek Haburas Unidade Nasionál Timor Oan (Khunto), Partidu Unidadede Dezvolvimentu Demokrátiku (PUDD), Frente Mudansa no Partidu União Demokrata Timoresnse (UDT), hodi forma Governu konstitusionál da-ualu ho naran Aliansa Mudansa Ba Progresu (AMP).

Maibé governu la’o ladura iha tempu naruk nia laran, tanba membru governu la kompletu, no ikus mai AMP naksobu hodi dada impase Politika hosi tinan 2018 to’o ohin loron. Dms

Leave a Reply

Your email address will not be published. Required fields are marked *