PR Horta Haksolok Amo Papa Nomeia Dom Virgílio Nu’udar Kardial
Naunil Media (Díli), Prezidente Repúblika (PR), José Manuel Ramos Horta haksolok tebes, tanba Santidade Amo Papa Nomeia Dom Virgílio do Carmo da Silva, nu’udar membru foun ida husi kolegiu Kardial.
“Prezidente Republika Jose Manuel Ramos-Horta haksolok tebes ba dezisaun husi Sua Santidade Amo Papa ninia ne’e, hodi nomeia Don Virgílio do Carmo da Silva, SDB nu’udar membru foun ida husi kolegiu kardial nian,” dehan liu husi Komunikadu ne’ebé Naunil Média asesu iha palásiu Prezidensiál Nicolau Lobato Bairru Pite, Segunda, (06/06).
PR hateten, Fiar katak pronunsiamentu ida ne’e laos de’it lori preveligio ba Arsebispo Metropolitano Díli Sua Eminensia Don Virgilio do Carmo da Silva SDB nu’udar pesoal, maibé mós nu’udar honra bo’ot ida ba igreja katolika iha Timor-Leste, no ida ne’e nu’udar etapa istoriku ne’ebé maka simu husi komunidade katoliku tomak iha Timor-Leste ne’ebé dominante husi 98 persentu.
Xefe estadu esplika, Fiar nu’udar kristaun katoliku iha Timor-Leste hahú husi siklu XVI wainhira primeiru misionariu dominikanus sira to’o iha Lifau Oe-Cusse, hahú husi ne’e, papél igreja katolika Timor-Leste sai ona hanesan identidade nasionál ne’ebé junta hamutuk ho lian tetun no lian portuguesa hodi halo Timor-Leste nu’udar nasaun ida ne’ebé difirente tebes.
Prezidente Repúblika Jose Manuel Ramos Horta iha okasiaun barak sempre buka no hasae papel igreja katolika iha edukasaun, kultura, identidade no unidade nasional.
Prezidente Repúblika reteira lori povu no nasaun, hato’o sentimentu haksolok no orgulhu ba dezisaun sua Santidade Papa Francisco XVI.
Iha loron Domingo Asensaun 29 Maiu 2022 liu husi orasaun Maria do Regina Coeli, Amo Papa Francisco anunsiu konvokatoria ida iha 27 Agostu ba kriasaun Cardeal foun, ida ne’e nu’udar orgulhu ida ba sarani sira iha Timor-Leste, tanba Arsebispo Metropolitano Díli nu’udar mós kandidatu ida husi Cardeal na’in 21 ne’ebé maka anunsia husi Amo Papa Francisco. *Jos
