COVID-19 Iha TL : Rezultadu Teste Laboratóriu Hatutdu Maioria Negativu

Fahe Tutan

Naunil Media (Díli), Liu hosi Sala Situasaun, Kordenadór Forsa Tarefa Prevensaun e Mitigasaun Surtu COVID-19 no Porta Voz Sentru Integradu Jestaun Krize (CIGC-Sigla Português), Sergio Lobo, informa suspeitu COVID-19 iha Timor-Leste hahu hosi fulan Marsu to’o inísiu Maiu tinan ne’e, númeru tetste konfirmasaun taboratóriu ba ssuspeitu nain 854, maibe rezultadu hatudu maioria negativu nain 750.

“Tuir dadus ne’ebé ohin simu hosi tuku 12:00 otl, númeru teste ne’ebé halo ona hamutuk 854, supmete teste foun 24, horseik hamutuk ema nain 830, kazu konfirmadu nafatin 24, kazu rekoperasu nafatin 21, iha fatin izolamentu mos nafatin nain 7, kazu negativu rezultadu foun ne’ebé mak hetan aumenta ba 750. Sira ne’ebé sei hein hela rezultadu 80”, hateten Kordenadór Forsa Tarefa Prevensaun e Mitigasaun Surtu COVID-19 no Porta Voz CIGC, Sergio Lobo, ba jornalista sira iha Centro de Convencões de Díli (CCD), Kuarta (09/05).

Dr. Sergio, relata “ema ne’ebé iha kuarentena 173 kompara horseik 135, aumenta tanba pesoal saúde iha fatin izolamentu mos aumenta no ita nia maluk nain tolu husi Australia mai sira mos tama hotu kuarantena”.  

“Profesional saúde ne’ebé agora dadaun iha kuarentena hamutuk nain 45. Total ema ne’ebé pasa ona loron 14 iha kuarentena hamutuk nain 2083, hosi númeru ne’e nain 1.645 iha Díli, nain 438 hosi munisipiiu sira”. Dehan dr. Sergio Lobo. Uar

Leave a Reply

Your email address will not be published.