KHUNTO Konsidera Ángela Laiha Étika
Naunil Media (Díli), Organizasaun Feto Partidu Haburas Partidu Kmanek Haburas Unidade Nasionál Timor Oan (KHUNTO) konsidera deklarasaun hosi Prezidente Partidu Trabalhista Ángela Freitas núdar ema plítiku laiha étika.
Pozisaun Organizasaun Feto Partidu KHUNTO ne’e hodi hatan ba Prezidente Partidu Trabalhista Ángela Freitas ne’ebé antes ne’e nia (Ángela) deklara Prezidente Partidu Khunto no atual Vise Primeira Ministra, Armanda Berta la’os orijin sidadaun Timór.
“Ami organizasaun feto Partidu Khunto konsidera Angela Freitas ninia deklasaun la iha étika no moral nia lia fuan ne’e sobu estabilidade nasionál, tanba ne’e klibur Organizasaun Feto Partidu Khunto kondena makas aktu ne’e. Organizasaun feto Partidu Khunto konsidera Prezidente Partidu Trabalista kontra desizaun Primeiru Ministru ho Prezidente Republika ne’ebé fó kompetensia indijita posse ba Prezidente Partidu KHUNTO asumi knaar nuúdar vise Primeira Ministra”, Kuartu Vise Prezidente Partidu Khunto, Silvia Hornai, ba jornalista sira liuhosi konferensia imprensa, iha rezidénsia Prezidente Partidu Khunto, iha Manleuana, Sesta (05/06).
Kuartu Vise Prezidente Partidu KHUNTO ne’e hatutan, organizasaun feto Partidu Khunto sente triste, tanba Prezidente Partidu Trabalhista mos nu’údar feto maluk ida ne’ebe laiha sensibilidade no soliedariedade atu enkoraja feto maluk sira avansa iha kareira polítika.
“Prezidente Partidu KHUNTO merese hetan apresiasaun husi feto maluk sira, tanba primeira vez iha Timor-Leste feto ka inan ida simu kna’ar todan hodi asumi responsabilidade nu’udar Vise Primeira Ministra iha estrutura oitavu governu konstitusional”, Akresenta Nia.
Tuir, Silvia katak, Angela Freitas manifesta hanesan vingansa polítika hasoru Prezidente Partidu Khunto no la hatudu maturidade nuúdar figura polítiku.
“Atetude ne’e manifesta inkapasidade polítika no laiha respeita ba lei Konstituisaun RDTL iha Artigu 2 koalia ‘soberania no konstituisionalidade’ no iha artigu 3 koalia kona-ba ‘sidadania’”,dehan Nia
Antes ne’e mos família hosi Prezidente Partidu KHUNTO no atual vise Primeira Ministra, Armada Berta, klarifika ona katak nia (Armanda) orijin sidadaun Timór inan hosi uma lisan Bertai no aman hosi uma lisan Dausul. Uar
