Koronél Coliati : Membru F-FDTL Tenke Servisu ho Disiplina
Naunil Media (Díli), Xefe Estadu Maiór FALINTIL Forsa Defeza Timor-Leste (F-FDTL), Koronél Calisto Santos Coli ‘Coliati’, husu ba membru F-FDTL sira atu servisu ho disiplina nune’e lori instituisaun ba oin.
Afirmasaun husi Xefe Estadu Maiór F-FDTL, Koronél Calisto Santos Coli ‘Coliati’, b aba membru F-FDTL durante nia deskursu durante lidera seremonia promosaun diviza mak hala’o iha Quartel Jenerál, Fatuhada, Sesta (10/07).
Xefe Estadu Maiór F-FDTL, Koronél Calisto Santos Coli ‘Coliati’, apela membru F-FDTL ne’ebé promovidu tenke disiplina, tanba disiplina sai mak fatór determinante no responsabilidade nu’udar lutu ba nasaun.
“Ita bo’ot sira nia misaun nu’udar militar, servidor, lutu, rin ba seguransa no estabilidade ba povu no nasaun Timor-Leste e ohin tula tan responsabilidade bo’ot ba defeza Militar Republika Timor-Leste nian”, Xefe Estado Maiór F-FDTL, Koronél Calisto Santos Coli ‘Coliati’.
Koronél Calisto Santos Coli ‘Coliati’, apela ba membru F-FDTL promovidu atu kaer metin prinsípiu hodi tane-ás valores regulamentu no disiplina nu’udar ema militar.
Tuir despaixu 01/2020 lista militar promove ba postu kabu no tuir akordu lei númeru 4 artigu 84 iha dekretu lei númeru 28/2016, 13 fulan Jullu husi alterasaun ba dekretu lei númeru 7/2014, 12 Marsu, estatutu militar F-FDTL deklara compete husi xefe estadu Maiór F-FDTL liu husi promove militar sarjentu no prasa.
Xefe Estadu Maiór F-FDTL, Koronél Calisto Santos Coli ‘Coliati’ promove fó diviza ne’e liu-husi análiza prosesu individual ba militar sira ne’e promove respetiva no kondisaun jerál no espesiál ba romosaun determina hodi promove soldadu hirak ne’e ba postu kabu ho eskoilla konforme númeru 1,2,3 iha artigu 52 no alineia a,b,c iha artigu 6, efeitu a partir hahu iha loron 10 Jullu 2020.
Membru F-FDTL soldadu nain-136 kompostu husi Komponente Terestre nai’n-22, Komponente Naval nain-45, Komponente Apoiu servisu nain-23, Sentru Formsaun de Terenu nain-2 no Unidade ida husi Polisia Militar nain-12. Flo/Leo
