Embaixada Korea iha TL Promete Apoia Formadór Lian Korea Ba CQR
Naunil Media (Díli), Embaixadór Korea iha Timor-Leste (TL), Lee Chin Bum, sei oferese formadór lian korea nain ida ba fundasaun Centro Quesadhip Ruak (CQR) hodi hanorin lian korea ba joven timor-oan sira.
“Ami sei apoiu formadór nain ida ba fundasaun Centru Quesadhip Ruak atu hanorin lian Korea ba joven sira no prepara ba tuir ezame lian Korea”, Embaixadór Korea Lee Chin Bum, ba jornalista sira hafoin abertura ba formasaun lian Korea, iha Casa Cidadania Kolmera, Segunda (27/07).
Iha fatin hanesan Fundadora Centro Quesadhip Ruak, Isabel Ferreira, hateten formasaun lian Korea iha CQR foin lalais taka, tanba formadór lian Korea fila hotu ba Korea, maibé programa lian Korea nafatin eziste.
“Embaixadór Korea ho inisiativa sei kordena nia ekipa ida atu mai fó formasaun lian Korea hodi prepara Timor-oan sira hodi tuir teste. Iha tinan ida ne’e estudante aprende lian Korea iha CQR hamtuuk nain 60 mak sei tuir teste ami espera katak sira hotu ultrapasa ezame ne’e”. Dehan espoza Primeiru Ministru atual Taur Matan Ruak, Isabel. Dul/Emj1
