Eskola Novel da Paz La Kompri Regra Prevensaun COVID-19
Naunil Media (Díli), Diretór Novel da Paz Pedro Nunes Menezes, hateten ho númeru estudante ne’ebe bo’ot, susar ba sira atu kompri regra sira prevensaun COVID-19, liu-liu distansia sosiál.
“Atu halo prevensaun ba COVID-19, ami fase liman bei-beik, uza maskra, só la halo distansia fíziku (sosiál), tanba estudante barak liu. Kada sala, estudante hamutuk nain 100, imposivel ita halo distasia sosiál”, Diretór Eskola Novel da Paz, Pedro Nunes Menezes, ba Naunil Media iha nia kna’ar fatin Novel da Paz, Balide, Kuarta (05/08).
Diretór Eskola Novel da Paz, Pedro Nunes Menezes, informa antes tama iha aula, professór ho estudante sira hotu-hotu uza maskra tuir regras Ministeriu Saúde (MS), maibe susar atu halo distánsia social tanba númeru estudante barak liu no sala de aula la sufisiente.
”Ami prepara ekipamentu hanesan termu ekener, dezinfekta no tanki bee. Kona-ba maskra estudante ida-idak lori rasik husi uma, ami kontra regra distansia sosial tanba iha ne’e estudante númeru bo’ot”, dehan Nia.
Estudante iha Eskola Novel da Paz ho totál nain 3.117 kompostu husi pre-sekundária no sekundária, no iha professór hamutuk nain 71. Fet
