FEATUREDIkus LiuNewsSaude

Postu Saúde Maloa Rejista As Kazu ISPA

Fahe Tutan

Naunil Media (Díli), Representante Postu Saúde Maloa, Luisa da Costa, infórma durante fulan tolu (Maiu, Juñu no Jullu), kazu Infeksaun Sistema Respiratória Aguda (ISPA) regista as iha Sentro Saúde Maloa ho total hamutuk 8.500.

“Hahu husi fulan Maiu to’o Jullu, Postu Saúde Maloa rejista moras Infeksaun Sistema Respiratóriu Aguda mak regista as liu, tanba durante triazen depois iha moras seluk, ne’e mak hatudu katak ISPA mak as liu”, Representante Postu Saúde Maloa, Luisa da Costa, ba jornalista sira hafóin serimonia Hand Over iha Postu Saúde Maloa, Bairo-Pite, Kinta (06/08).

Repjentante ne’e esplika, kazu ne’e sa’e as tanba husi ema ba ema, tanba ne’e bainhira mear tenki taka inus, labele tafui kabeen arbiru.

“Ita presija halo prevensaun nune’e labele hadaet moras ne’e ba ema seluk”, dehan reprezentante Postu Saúde Maloa ne’e.  

Tuir Nia, alien de moras ISPA, Postu Saúde Maloa mos rejista pasiente ho kazu HIV-SIDA maibé labele fó tanba moras ne’e sensitive, no husi parte ne’ebé toma konta programa ne’e mak bele  relata kazu ne’e ho klareja. Dul

Leave a Reply

Your email address will not be published. Required fields are marked *