FEATUREDIkus LiuNewsPolitika

PM Taur Simu Aprezentasaun Prosesu Dada Fibra Ótika Hosi Darwin Mai TL

Fahe Tutan

Naunil Media (Díli), Sesta (28/08) ne’e iha Palásiu Governu, Primeiru Ministru (PM) Taur Matan Ruak simu aprezentasaun husi ekipa téknika kona-ba prosesu dada fibra ótika hosi Darwin mai Timor-Leste (TL).  

Vise II Primeiru Ministru (VPM) no Ministru Asunto ordenamentu no Urbanizasaun, José Reis, imforma ekipa teknika ne’e kompostu husi Ministériu Finansas, Ministériu Transporte no Komunikasaun no Gabinete Primeiru Ministru nian.

“Primeiru Ministru husu duni mai ha’u hodi aprezenta fila-fali kona-bá fibra ótika nian, ekipa ne’e kompostu hosi ministeriu finansan, ministeiru transporte no komunikasaun, no mos gabinete primeiru ministru nian, halo ona diskusaun ba dala tolu, no ótika ne’e diskusaun tinan lima ona ba kotuk hosi 2012”, esplika Vise II VPM no Ministru Asunto ordenamentu no Urbanizasaun, José Reis, ba jornalista sira iha Palásiu Governu.    

José Reis, relata diskusaun ne’e mai  kleur ona,  sei iha hela prosesu dezeñu nian tanba ne’e xefe Governu konstituisional  da-ualu Taur Matan Ruak husu kontinua halo diskusaun hodi tau prioridade ba finansiamentu fibra ótika nian.

“Iha diskusaun ne’e eis Falintin ne’e husu atu halo diskusaun iha tempu badak sei lori ba  aprezenta iha Konsellu Ministru hodi hetan aprovasaun ba opsaun ne’ebé mak ohin apresenta ba sua exelensia Primeiru Ministru”, Tenik Vice II VPM, José Reis.

Tuir Nia, modalidades hotu mai hosi opsaun ba finansiamentu, singinifika ho Nasaun Australia ho Timor-Leste, opsaun seluk mak Autralia halo finansiamentu, no Timor-Leste hein simu de’it, tanba ne’e halo diskusaun di’ak hodi haree ba vantajen no disvantajen antes Konsellu Ministru foti asuntu ne’e.

Ikus-liu Nia, dehan prozetu fibra ótika ne’e sei tau orsementu prioridade ba tinan fiskal 2021. Lop

Leave a Reply

Your email address will not be published. Required fields are marked *