Informasaun Uma Kreda Apoiu Manifestasaun Hatuun PR Lú Olo Ne’e Laloós

Fahe Tutan

Naunil Media (Díli), Porta voz Conferecia Episcopal Timorense (CET) no Arsebispu Metropolitanu Díli, Dom Virgílio do Carno da Silva, SDB, deklara nia rezeita informasaun ne’ebe espalla rede media sosiais katak Igreja Katólika sei partisipa asaun pasífika hodi hatuun Prezidente Repúblika (PR), Francisco Guterres ‘Lú Olo’.

Porta voz CET no Arsebispu Metropolitanu Díli, Dom Virgílio do Carno da Silva, SDB, ba jornalista sira liu husi konferensia imprensa iha Câmara Eclesiastica Diocese Díli, Bidau-Lecidere, Kinta (27/08).

“Relasiona ho informasaun ne’ebe oras ne’e espalla iha públiku iha mídia sira, katak uma kreda atu halo manifestasaun, kona-ba manifestasaqun ne’e rasik uma kreda rasik la hatene buat ida no laiha kuinñementu kona-ba asuntu ne’e”, klarifikasaun Arsebispu Metropolitanu Díli, Dom Virgílio do Carno da Silva, SDB.

Arsebispu Metropolitanu Díli, Dom Virgílio do Carno da Silva, SDB, afirma Igreja laiha intensaun no hanoin atu partisipa asaun ne’ebe organiza husi grupu balun.

“Uma Kreta deklara, laiha hanoin no hakara atu halo maninfestasaun ruma hanesan dadaun espalla iha públiku” afirma Dom Virgílio do Carno da Silva, SDB.

Nune’e Dom Virgílio do Carno da Silva, SDB, husu ba públiku atu atensaun molok asesu kualker informasan.“Bainhira informasaun ne’e to’o ba autoridade seguransa no sivíl nia tilun, husu atu verifika ho autoridade Uma Kreda molok fó sai ba públiku”, salienta Bispu Virgílio do Carno da Silva. Ana/Emj5

Leave a Reply

Your email address will not be published.