Eleisaun Prezidensial Sai Topiku Espesial Ba Lu-Olo-Taur

Naunil Média (Dili), Ohin Primeiru Ministru (PM), Taur Matan Ruak, halo enkontru espesial ho Prezidente da Republika (PR), Francisco Guterres “Lu-Olo.”

Enkontru espesial PM ho PR ne’e Relasiona ho Eleisaun Prezidensial ne’ebe sei monu iha tinan 2022.

PM Taur Matan Ruak, hateten, Enkontru espesial tanba PR Francisco Guterres “Lu-Olo,” hakarak rona pozisaun Governu nian ba Eleisaun Prezidensial sei realiza iha tinan oin. 

” Ohin enkontru espesial ho PR tanba hakarak rona guvernu nia hanoin no pozisaun kona-ba eleisaun prezidensiál tinan oin topiku ida de’it mak ohin ha’u ho Ministeriu Administrasaun Estatal (MAE) ko’alia ho Prezidente Repúblika”, Dehan PM, Taur, ba jornalista sira iha Palasiu Prezidente Nicolao Lobato, Bairru Pite, Kinta, (30/12).

Atu dekreta Loron Eleisaun Prezidensial iha Tinan oin, PR mak iha kompetensia atu dekreta bainhira oras to’o ona.

” Ko’alia kona-ba data markasaun ne’e kompetensia PR nian, Oras to’o PR dekreta ita hotu bele hatene ona iha data saida mas kualker iha Janeiru ba oin ita iha fulan rua tolu de’it”, Tenik PM

Xefe Governu Akresenta, PR mak dekreta Governu mak propoin pelumenus iha Janeiru nia laran, Maibe loron konkretu dekreta ne’e PR maka iha kompetensia dekreta mak Guvernu bele avansa.

Taur esplika, Dezafiu ne’ebe preokupa mak Covid-19 no variante Imicron, Tanba iha Nasaun vizinu Australia ho Indonesia mos iha ona espera labele tama to’o TL.

Esperansa bo’ot atu buat hotu la’o di’ak, Nune’e bele realiza Eleisaun Prezidensial ho di’ak iha tinan oin.

 dezafiu ida ne’ebé preokupa mak agora Covid variante ida OMICRO iha ne’e tanba Austrália no Indonézia mós iha ona espera katak ida ne’e labele mai TL, maibé tenke prepara aan no espera katak buat di’ak para eleisaun ne’e la’o di’ak so Preokupasaun mak ida ne’e de’it restu ne’e preparativus la’o di’ak hela*Jos