PM Taur : EE Da-Limak Impede Kontajiu COVID-19

Fahe Tutan

Naunil Media (Díli), Primeiru Ministru (PM), Taur Matan Ruak, hateten iha nesesidade estensaun Estadu Emerjénsia (EE) ba da-limak fó biban ba Governu konstitusionál da-ualu atu reunifika forrsa no kapasidade hodi impede Surtu Corona Virus Decease 2019 (COVID-19) iha Timor-Leste (TL).

“Dal ida tan, Guvernu husu ba Prezidente Repúblika atu deklara tan estentaun  estadu emerjénsia ba dala lima nian, depois de estadu emerjénsia dala haat nian rematan ona iha loron aban 04 fulan Setembru ne’e, objetivu nafatin halo nusa mak ita reuni ita nia kapasidade no kondisaun sira hotu nune’e labele hetan kontajiu ba ita nia komunidade”, hateten Eis-Prezidente Repúblika no atual Xefe Ezekutivu, Taur Matan Ruak, iha ámbitu diskusaun no votasaun ba renovasaun deklarasaun EE iha teritóriu nasionál, iha Salaun Plenária Parlamentu Nasionál (PN), Kinta (03/09).  

Tuir Primeiru Ministru, Matan Ruak, Governu presija rekore ba EE hodi limite direitu no liberdade sidadaun sira nian, liu-liu atu asesu no movimentu iha fronteira.

“Ita nian rai iha kazu konfirmadu pozitivu 27, 25 rekuperadu no atualmente iha rua (2) mak ativu, tanba ne’e presija iha kapasidade evita kontajiu iha komunidade, bele ajuda labele iha kazu ema mate, tanba moras ne’e iha ona ita nian rai” tenik xefe Governu.

Nia hateten Governu hato’o pedidu ba Prezidente Repúblika (PR), Francisco Guterres ‘Lú Olo’ no reforsa husi Parlamentu Nasionál atu estende ba da-limak, tanba iha nasaun 216 mak afeitadu COVID-19.

“Iha ita nia nrejiaun, liu-liu Nasaun viziñu ne’ebe besik liu ita (Indonézia), númeru kazu COVID-19 aumenta no iha risku ba importasaun no kontajiu mai Timor-Leste”, akresenta PM Taur Matan Ruak.

Tanba ne’e Xefe Governu Konstitusionál da-ualu, husu ba deputadu/a sira atu fó autorizasaun ba Xefe Estadu Timor-Leste Lú Olo hodi dekreta.

Estadu Emerjénsia da-haat sei remata iha Sesta 04 fulan Setembru tinan 2020 ne’e. PR Lú Olo husu pedidu autorizasaun ba PN bazeia ba alinea g konjuga artigu 25 konstituisaun no artigu númeru 1,9,10,11,15 no 27 husi Lei númeru 3/2008, 22 Fevereiru kona-ba rejime Estadu Sítiu no Estadu Emerjénsia, ho objetivu renova deklarasaun EE iha teritóriu nasionál, ho razaun iha subsistensia situasaun kalamidade públika ba periodu loron 30. Lop

Leave a Reply

Your email address will not be published.