Governu Sei Anula Naran Ponte Nelson Mandela Laleia
Naunil Media (Díli), Ministru Obras Públikas (MOP), Salvador Soares dos Reis Pires, informa Governu liu husi reuniaun Konsellu Ministru (KM) sei anula fali naran ba Ponte Laleia ne’ebe antes ne’e tau naran Ponte Nelson Mandela Laleia.
“Iha momentu ne’e sua exelensia eis Rrezidente Repúblika, José Manuel Ramos Horta mai iha sue exelensia Primeiru Ministru (PM) Taur Matan Ruak, hatun ba Ministeiru Obras Públikas atu tau naran ponte tolu, taun naran ba ponte eis Prezidente Nelson Mandela. Dezisaun ne’e momentu mai halo iha Konsellu Ministru, agora tenke anula, no desizaun ne’e tenke koordena ho gabinete Primeiru Ministru”, Ministru Salvador Soares dos Reis Pires, ba jornalista sira hafoin reuniaun KM iha Palásiu Governu, Kuarta (2/09).
Salvador esplika, depois rezolusaun ne’e aprovadu no publika ona iha jornal da repúblika ofissialmente, maibe Konsellu Ministru hodi halo anulasaun depois nia sei vigór no públika sai iha jornal da repúblika.
Ikus-liu, Governante ne’e dehan, to’o agora seidauk simu fali naran foun ba Ponte Laleia, nune’e depende dezisaun tomak hosi Governu.
Antes ne’e liu husi reuniaun Konsellu Ministru aprova ona ba naran Ponte Laleia ba Eis-Prezidente Nelson Mandela, maibe Governu sei anula no tenke mai fali Konsellu Ministru hodi deside fali naran foun. Lop
