António Verdial : Sai Deputadu Tenki Reprezenta Duni Povu TL

Naunil Media (Díli), Deputadu Bankada Kmanek Haburas Unidade Nasionál Timor Oan (KHUNTO), António Verdial de Sousa, informa nu’udar deputadu iha uma fukun parlamentu nasionál tenke reprezenta duni povu iha Timor-Leste.

“Ha’u hanesan deputadu, atu hateten tau ita nia an hanesan reprezentante povu hodi defende duni povu nia halerik iha uma fukun ida ne’e”, afirmasaun ne’e Deputadu Partidu KHUNTO, António Verdial de Sousa, fó sai liu husi nia deklarasaun polítika iha sesaun plenária Parlamentu Nasionál, Tersa (15/09).  

Nia husu nia maluk deputadu/a sira sai deputadu tenke reprezenta duni povu iha uma fukun ida ne’e hodi deside povu no nasaun nia destinu.

“Atu hateten de’it servisu sira ne’ebé mak hala’o iha komisaun espesializada sira ne’e, servisu tékniku, ita tenke tau ita nia an hanesan representante povu iha uma fukun ida ne’e hodi representa duni povu Repúblika Demokratika de Timor –Leste (RDTL)”. afirma Nia. Lop