KHUNTO Sei Asegura Guvernu Konstitusionál Da-Ualu To’o Mandatu 2023

Fahe Tutan

Naunil Media (Díli), Xefe bankada  Partidu Kmanek Haburas Unidade Nasionál Timor Oan (KHUNTO), Deputada Olinda Guterres, deklara sei asegura mandatu oitavu  Guvernu  to’o tinan 2023.

Xefe bankada KHUNTO, Deputada Olinda Guterres, informa liu husi deklarasaun polítika iha abertura Sesaun datoluk lejislativa hosi kintu (V) lejislatura Parlamentu Nasionál husi Prezidente Repúblika (PR) Francisco Guterres ‘Lú Olo’, iha uma fukun Parlamentu Nasional (PN), Tersa (15/09).

“Partidu KHUNTO sei garante estabilidade destinu oitavu Governu  konstituisionál nian to’o mandatu tinan 2023. Ita presiza kuda kultura ida no respeita ba mandatu ne’ebé simu husi povu, tenke kumpri to’o rohan, mandatu tinan lima tenke to’o rohan la’ós tan grupu ka ema ida nian ita halai ses husi povu nia fiar ba rai ida ne’e (Timor-Leste)”, afirma Deputada Olinda Guterres.

Kona-ba orsamentu tinan 2019 ne’ebe xumba iha parlamentu nasionál, Deputada Olinda, dehan tranba traisaun husi bankada Guvernu rasik, no atetude  ne’e hanesan kultura ladi’ak ba povu Timor-Leste.

“Xumba orsamentu ne’e hanesan  hahalok ne’e labele sai kultura iha ita-nia rain doben Timor-Leste, ita tenke kuda kultura diálogu kultura, pluralismu no pulítika ne’e bele garante estabilidade dezenvolvimentu nasionál iha ita-nia rain doben Timor-Leste”, tenik deputada ne’e.  

Ikus Nia dehan, uluk forma Aliansa ba Mudansa no Progresu (AMP) forma husi partidu tolu mak hanesan KHUNTO, CNRT no PLP, maibe balun so’e hela nia responsabilidade nune’e ukun la to’o rohan. Lop

Leave a Reply

Your email address will not be published.