SHC Lansa Programa Ekonomia Hakbi’it Feto iha Same

Fahe Tutan

Naunil Media (Manufahi), Tersa feira (29/09) ne’e, Sharis Haburas Komunidade (SHC) hala’o programa anual hakbiit ekonomia feto liu hosi estabelesementu Assosiasaun Feto Suku Rai no Empresta Osan (ASRIO).

Reprezentante SHC, Tobias Alves De Jesus, informa objektivu husi programa hakbiit ekonomia feto ba membru sira grupu nian bele bele rai osan no sira mos bele impresta osan hodi responde ba sira nia presiza.

“Assosiasaun Suku Rai no Impresta Osan-ASRIO hanesan modelu mikro-finansas ida ne’ebe mak susesu ho forma rai osan iha grupu no iha nível komunidade ou suku hodi redus moris kiak hakbiit finanseiru sosial no ba ema vulneravel sira”, esplika  Reprezentante SHC, Tobias Alves De Jesus.

Tuir Nia, programa hakbiit ekonmia feto atu ajuda inan feton sira empresta osan hodi redúz moris ki’ak.

“SHC implementa programa hakbiit ekonomia feto ho modelu Assosiasaun Suku Rai no Impresta Osan hetan mos apoiu husi Ambasadór Small Grant Fund iha Timor-Leste no hetan mos apoiu husi lideransa autoridade lokál iha munisípiu manufahi”. Nia hatutan. Nfm

Leave a Reply

Your email address will not be published.