Euclides : Loron Finadu Komunidade Labele Lori Tua ba Semitériu
Naunil Media (Dili), Sesta (23/10) ne’e, Segundu Komandante PNTL Munisípiu Díli, Superitendente Euclides Belo, deklara loron finadu PNTL sei prende komunidade sira ne’ebe lori tua ba semiteriu.
Segundu Komandante PNTL Munisipiu Díli, Superitendente Euclides Belo, ba jornalista sira, iha komandu munisípiu Díli.
“Proibidu komunidade lori tua ba hemu iha rate, tanba rate ne’e ba sunu lilin no kari ai-funan, la’ós ba hemu tua ka halo festa iha ne’ebá (semitériu). Se karik PNTL haree hetan sei prende hotu tua. Semintériu la’os fatin Bar no fatin hemu tua”, dehan Superintendente Euclides.
Superintendente Euclides, hatutan komunidade sira tenke kompri tuir regra sira ne’ebé PNTL apela sai ona tanba kapital Díli ki’ik, maibé movientu barak.
“Tinan-tinan, besik ona tempu finadu ami komandu Munisipiu Díli sempre destaka PNTL halo seguransa ba siminteriu hotu-hotu iha Díli laran”, informa Euclides
Segundu Komandante munisipiu Dili ne’e, dehan sei kria planu hodi halo operasaun no iha operasaun ne’e sei involve husi Unidade Espesial Polísia (UEP) no Unidade Polísia Maritima (UPM) hodi apoiu seguransa ba sementeriu atu garante estabilidade.
Nia husu komunidade servisu hamutuk ho PNTL garanate kapital sai seguru ba ema hotu no garante seguransa ba loron finadu ne’ebé sei monu fulan Novenbru 01 to’o 2. Nel
