Tinan 2021, Empreza Mak Sei Responsabiliza Operasaun Bee Moos ba Komunidade
Naunil Media (Díli), Diretór Jerál Servisu Água no Saneamentu (SAS), Gustavo Da Cruz, informa tinan oin (2021), Governu liu husi diresaun jerál SAS sei transforma polítuka utilizasaun bee moos komunidade, husi rurál ba urbana, tanba ne’e empreza mak sei toma responsabilidade ba sistema operasaun.
Diretór Jerál SAS, Gustavo Da Cruz, hafoin abertura Workshop ida iha Otél Novo Turismo, Kuarta (18/11).
Gustavo, hateten durante ne’e komunidade mak halo sistema utilizasaun bee moos, liu-husi grupu maneza fasilidade, maibé hahu husi tinan 2021 empreja mak sei toma responsabilidade operasaun ba sistema bee integradu iha area rural, postu administrativu sira no capital.
Nune’e tinan 2021 sei halo sistema bee integradu iha munisípiu neén (6) no postu administivu 41, bazeia dadus no informasaun husi SAS rasik iha área urbana no rurál.
“Dadus hirak ne’e balu mai husi sensus uma-kain 2015, média kona-ba preokupasaun bee moos husi area urbana pursentu 85 (%) rurál pursentun 76 (%)”,esplika Diretór Jerál ne’e.
Atu implementa polítika ne’e, SAS delega ona enjineiru ba hamutuk ho AND (Ajensia Dezenvolvimentu Nasionál) hodi verifika, no balun iha terenu halo levantamentu hodi transforma utilizasaun sistema bee moos husi rurál ba urbana.
“Prioridade orsamentu ba 2021 tuir rekuperasaun ekonomia $16.5 milõens atu halo latiminas ba komunidade sira iha munisípiu neén hanesan Baucau, Viqueque, Lautém, Manufahi no Díli sei mantein ho dezeñu detalladu”, dehan Nia. Apm
