FEATUREDIkus LiuNegosiuNews

Komunidade Gugleur Iha Liuqiçá Uza Sede Suku Sai Fatin Merkadu

Fahe Tutan

Naunil Media (Liquiçá), Komunidade suku Gugleur, Postu Administrativu Maubara, Munisípiu Liquiçá, uza sede suku sai fatin merkadu hodi hala’o aktividade negósiu ka fa’an kuandu iha tempu udan.  

Liga ho asuntu ne’e, Abitante suku Gugleur, mak sempre ba kompras sasan iha fatin refere, Rui Soares, informa preokupasaun ba jornalista Naunil Media, via telephone, Kinta (24/12).   

“Sede suku ne’e la’os Merkadu atu halo aktividade negósiu ka fa’an sasan, maibe obrigatóriu sira (negosiante) uza ba fa’an sira nian produtu, tanba Governu seidauk prepara merkadu propriu”, informa Rui Soares.

Tuir komprador no nu’udar mos atual Diretór Escola Básica Central 1o, 2o Sekulu Kaikasa, aktividade negósiu ne’e bele prejudika estrutura xuku.

“Bele prejudika imajem suku nian no hatudu konsellu suku laiha kbiit atu regula sidadaun sira”, tenik nia.  

Nia husu autoridade suku Gugleur atu avisa pa popbulasaun (negosiante) sira labele halo aktividade negósiu iha sede suku laran.

“Presiza buka fatin ida adekuadu no propriu ba fatin bazar ka merkadu”, sujere komprador Rui.  

Negosiante sira deskontente ho kondisaun refere, tanba Nasaun Timor-Leste tama on aba idade joven, maibe susar tebes atu solusiona pobu nian preokuasaun refere.  

“Deskontente tebes, espera katak fatin bazar bele resolve iha tempu ruma. Husu ba Konsllu Suku tenki fó atensaun no hau sadik estrutura suku atu hatudu fatin propriu ba negosiantes sir abele hala’o aktividade negósiu”, dehan Nia. Lop

Leave a Reply

Your email address will not be published. Required fields are marked *