2021, UNPAZ Simu Estudante Foun Na’in-2500

Naunil Media (Díli), Reitór Universidade da Paz (UNPAZ) Adolmando Soares Amaral, informa,  ba tinan akademika 2021  UNPAZ simu estudante foun hamutuk  na’in-2500.

 “Estudante foun ne’ebé rejistu iha UNPAZ iha tinan akademika 2021 nian,   hamutuk rihun na’in 2500.  Husi  númeru ne’e tuir orientasaun hamutuk na’in 2050  sura mós ho estudante balun ne’ebé la tuir iha tinan kotuk hamutuk na’in-200”, dehan  Reitór UNPAZ  Adolmando ba jornalista sira, iha resintu  UNPAZ Osindo I, Manleuana, tersa (23/02).

Reitór ne’e hatutan, agora dadaun UNPAZ iha fakuldade hamutuk 6 no programa   estudu hamutuk 20. Fakuldade rua hanesan fakuldade enjinária no  fakuldade Teknólojia Agrikola muda bá Likisá sira hala’o hela atividade prosesu de aprendizajen no sira-nia mobilizasaun ho bus.

“Bus UNPAZ mak  lori  estudante  no dosente sira, dadaun ne’e ami   iha bus 7 mak mobiliza hela estudante”. tenik reitór UNPAZ ne’e.

Entretantu  universidade UNPAZ totál  aula apredisajen hamutuk 32, prosesu   aprendizajen hahú husi  5 fulan Janeiru tinan 2021. Mel/Ali