Odete: Posiblidade Sidadaun Ida Tenke Vasina Dala 3
Naunil Media (Díli), Ministra Saúde (MS), Odete Maria Freitas Belo, Informa posibilidade husu sidadaun ida bele simu vasina booster shot, ba doze datoluk, maske nia hetan ona vasinasaun AstraZeneca ba doze daruak ona.
“Ita sira ne’ebé simu ona vasina AstraZeneca, iha posibilidade atu hetan fali vasina booster shot ba datoluk, ne’ebé ita bele uza sai dalan ida ikus atu la presiza administra fali vasina AstraZeneca, maibé ita hein vasina booster”, Dehan MS Odete Maria Freitas Belo iha sala plenária Parlamentu Nasionál, tersa (10/08).
Nia hatutan, Maske sidadaun lubuk ida mak simu ona vasina ne’ebé konjeladu nian, maibé laiha efeitu ruma ba sira-nia isin, ninia efikásia mak laiha tanba konjela ona.
Nia hateten, vasina ne’ebé a’at iha konjeladór, hakarak ka lakohi pesoál ne’ebé responsabiliza ba jestaun armajenamentu iha obrigasaun atu hatan.
“Tanba ne’e mos,OMS husu atu komunika fali ba ema sira ne’ebé simu ona vasina konjeladu atu bele hetan fali sira-nia doze tuir mai”, Katak nia.
Ikus liu nia dehan, Ho nune’e mós halo teste imunidade ba ema sira ne’ebé simu ona vasina ne’ebé konsidera a’at no bainhira iha imunidade di’ak, la presiza halo administrasaun seluk ba sira. Ana
