PJR Relata Prosesu Serbisu Durante EE Ba PR
Naunil Media (Dili), Prokuradór Jerál da Repúblika (PJR) José Ximenes, enkontru ho Prezidente da Repúblika (PR) Francisco Guterres Lú Olo hodi Relata prosesu serbisu durante Estensaun Estadu Emerjénsia (EE) kona-ba prosesu julgamentu sira, ba xefe Estadu.
Enkontru refere hala’o iha palasiu prezidensial Nicolao Loboato Bairo Pité Dili, tersa (23/03/2021).
“Ha’u hakarak informa katak durante loron rua nulu resin ualu iha fulan fevereiru ninian kazu ne’ebé tama iha teritóriu nasionál ita iha kazu atus haat rua (402) mak tama. Iha Dili kazu tama atus rua haat nulu resin ualu (248), gabinete sentrál tama sanulu resin neen (16), Oecusse prosesu tama sanulu resin tolu (13), Baucau hitu nulu resin walu (78), Suai haat nulu resin sia (49), prosesu tama totál mak 402”.dehan José Ximenes.
Nia hatutan maske iha fulan Fevereiru ne’e simu kazu foun ne’ebé tama. Maibé antes ne’e iha fulan janeiru sei iha kazu pendente balun mak konsege finaliza inklúi balun seidauk.
“Ita konsege finalija kazu atus lima tolu nulu (530) prosesu fulan kotuk, ha’u informa ba eselensia sira kona-ba aktividade iha Janeiru. Ita iha kazu pendente hamutuk rihun rua atus neen lima nulu resin ida (2.651). Agora dadauk ita iha rihun rua atus lima rua-nulu resin rua (2.522) prosesu nivel nasionál ne’e kona-ba prosesu sira ne’ebé la’o hela iha ministeriu públiku i balun ne’ebé la’o hela iha tribunal”,nia hatete.jos
