Lere Preokupa ho Movimentu Illegal iha Linña Fronteira
Naunil Media (Díli), Xefí Estadu Maior Jenerál FALINTIL-FDTL, Majór Jenerál Lere Anan Timur, preokupa ho ema nia movimentu illegal iha fronteira terestre entre Timor-Leste ho Indonézia.
‘‘Ita preokupa mak Corona ne’e iha airoportu tantu frontera entre Timor ho Indonesia, tamba ne’e mak ita preokupa ho frontera tamba ema hakat liu mak barak kada loron 300, ne’e hatudu katak ema ruma fasilita sira no sein ita nia seguransa detekta’’, Xefí Estadu Maior Jenerál FALINTIL-FDTL, Majór Jenerál Lere Anan Timur, hato’o nia preokupasaun ne’e hafoin sorumutuk seminal ho Prezidente Repúblika, Francisco Guterres ‘Lú Olo’, iha Palásiu Prezidensiál Nicolau Lobato, Bairu Pité, Kuarta (16/09).
Kona-ba asuntu seguransa ba aktividade illegal iha fronteira, Eis-gerileiru rejistensia komandante rejiaun Um Ponta Leste, Lere sei tur hamutuk ho Ministru Interior no Komandante Jerál PNTL atu deskute.
“Komandante Jerál PNTL no Vice Ministru Interior sira tenke hatene ne’e kestaun ida ke diak duni tamba sira mak toma konta ba ida ne’e tamba saida mak ladetekta’’, afirma Xefe Estadu Maior Jenerál FALINTIL-FDTL, Majór Jenerál Lere.
Lere husu ba Governu atu foti medidas runa ba ema hirak ne’ebé mak tama sai illegal. Pau
