EE Da-V La Implika ba Atividade Ekonómia iha TL

Fahe Tutan

Naunil Media (Díli), Diretór Forum Organizasaun Naun Governamental Timor-Leste (FONGTIL), Daniel dos Santos, informa observasaun FONGTIL ba implementasaun Estadu Emerjénsia (EE) Da-V la implika ba atividade ekonómia iha Timor-Leste (TL).

“Ha’u hanoin estadu emerjénsia da-lima ne’e foku liu ba fronteira, fronteira terrestre imi haree ema tama sai ilegal ba sa’e sabuk, pois mai halo kuarentena nakonu no ita tenke foku iha ne’e bá (fronteira terrestre)”, Diretór FONGTIL, Daniel dos Santos, ba jornalista sira iha nia kna’ar fatin Kaikoli, Kurta (16/09).

Tuir Nia, EE da-V ne’e atividade ekonómia kontinua la’o, maibe preokupa oituan kona-ba movimentasaun illegal iha liña fronteira tanba bele ameasa kontajiu Surtu COVID-19 mai rai laran.

“Atividade rai laran ne’e dadaun la’o livre, atividade ekonomiku sei la’o, ema fa’an sasan la’o hela no importasaun sásan sira mos tama, maibe preokupa mak movimentu illegal iha fronteira, nune’e husu ba governu, Ministeriu Interior atu fó atensaun ba kestaun ne’e”, akresenta Diretór ne’e.  

Nia husu ba komunidade sira iha fronteira atu halo prevensaun ba COVID-19.

“Estadu emerjénsia ne’e ajuda ita-nia sidadaun sira iha fronteira atu komprende didiak oinsa mak atu halo prevensaun ba COVID-19. Ita bele bandu ema tama iha ita-nia rain”, tenik Nia.  

Ikus Nia dehan, implikasaun ba atividade ekonómia iha rai-laran la’ós husi moras COVID-19 maibé impase polítika. Ivo

Leave a Reply

Your email address will not be published.