Liu Tinan Ida, TL Rejista Kazu Covid-19 Mate Na’in-1
Naunil Media (Díli), Relasiona ho pandemia kazu Covid-19 invade mai Timor-Leste iha 2020 tama 2021, Kordenador Pilar VII Jestaun Covid-19 Dr. Nilton do Carmo da Silva informa, Timor-Leste rejeita Kazu Covid-19 mate feto ida, hakutu i’is iha sala izolamentu hospital Lahane.
“Ohin, Ministériu Saúde (MS) no sentru integradu jestaun krize (SIJK), sala situasaun atu informa ba ita hotu iha Timor-Leste mate iha dadersan mezu menus iha tuku 7:10 ita timór rejista mate ida ba Kazu Covid-19″, dehan Nilton ba jornalista sira, iha Lahane, tersa (06/04).
Nilton hatutan, istória badak ba pasiente ne’ebé hakotu nia i’is ne’e feto ho idade 40 deteta Kazu Covid-19 iha loron 24 Marsu tuir test swab, loron 23 marsu lori ba izolamentu tasi tolu hafoin pesoál saúde halo observasaun hatene. Iha loron 04 Abríl loraik matebian komesa mosu sintomas fó atendimentu tuir kazu ne’ebé mak ijeiru, iha tasi tolu la iha mundansa nune’e transferensia mai fatin izolamentu ba kazu grave nian iha Vera Krus.
“Pasiente ne’e mai ho kondisaun grave tuir termu medika ne’ebé mak kondisaun rezulta husi pasiente. Tuir atendimentu ninian padraun mak pasiénte ne’e mai ho tensaun la kontrola hafoin ikus mai problema rins hotu”, nia realsa.
“Wainhira ami halo atendimentu ba pasiente. Ami mós informa pasiénte ninia kondisaun ba família. Maibe, pasiénte ne’e nian famíli positivu hotu husi kaben no oan, akonpaina matebian nian testamentu ne’ebé mak pesoal Saúde”. Tenik nia.
Entretantu mate isin hakoi iha Metinaru, fatin halot mate isin prepara ona inklui anbulansia sei hakoi iha fatin ne’ebé governu prepara. Ipe/ Pau