Mate-Isin Armindo Sei ‘Budu’ iha Vera Kruz, Ministru Fidelis: Desizaun La’ós Iha KM
Naunil Media (Díli), Polimika mate-isin Armindo Borges ne’ebé sei kontinua ‘budu’ iha sentru Izolamentu Vera Kruz, Ministru Prezidénsia Konsellu Ministrus (MPKM), Fidelis Manuel Leite Magalhães deklara, desizaun ba mate-isin Armindo Borges husi Sentru Integradu Jestaun Krize (SIJK) no Primeiru Ministru, la’ós iha Konsellu Ministru (KM).
Ministru Prezidénsia Konsellu Ministrus (MPKM), Fidelis Manuel Leite Magalhães ba jornalista sira, hafoin remata enkontru Konsellu Ministru, iha Palasiu Governu, kuarta (14/04).
“Polimika iha izolamentu ne’e asuntu tekniku, la’ós kompetensia Komsellu Ministru nian. Kabe ba asuntu ne’e, Sentru Integradu Jestaun Krize (SIJK) mak halo desizaun sira ne’ebé estabelese tiha. Se mak atu pronunsia ba asuntu (Armindo Borges) Sentru Integradu Jestaun Krize no Primeiru Ministru”, dehan Minstru Fidelis.
Ministru Fidelis afirma, SIJK ne’e komanda husi PM Taur Matan Ruak rasik tanba ne’e desizaun sei mai husi PM la’ós iha KM.
“Ami iha komsellu ministru la halo disizaun sira ho natureza tekniku, Komsellu ministru nian natureza mak desizaun polítika, agora medida sira ne’ebé durante governu foti bazeia ba ita nian mediku sira. Tanba ami sira iha konsellu ministru la’ós mediku ami so rona proposta sira husi sentru integradu jestaun krize”. tenik Ministru Fidelis.
Enkuantu iha parte dader, deklarasaun Ministra Saúde (MS) Dra. Odete Maria Freitas Belo deklara sai iha sentru Izolamentu Vera Krus ba Mate-isin Armindo Borges hein desizaun husi iha enkontru Konsellu Ministru lokraik. maibé KM ladeiskuti ba asuntu refere KM konsidera asuntu tekniku.
Entretantu mate-isin Armindo Borges dezisaun husi Primeiru Ministru (PM) Taur Matan Ruak no SIJK mak bele foti medida tuir regras portokolu saúde nian. Matebian Armindo Borges hakotu i’is iha Domingu 11 Abríl 2021, maibé seidauk iha desizaun ruma hodi halot mate-isin to’o (kinta 15/04) ne’e, família husi matebian inkuliu líder karismátiku Kay Rala Xanana Gusmão sei kontinua nafatin toba iha Izolamentu Vera Kruz hodi hein desizaun husi governu. Vit