SIJK Intrega Matebian-ODS ba Familia, Hodi ba Halot iha Viqueque
Naunil Media (Díli), Sentru Integradu Jestaun Krize, Sala-Situasaun (SIJK-SS Sigla portuges) Entrega matebian ODS ba familia hodi ba halot iha nia rai moris fatin Viqueque.
Pasiente ne’e pozitivu Covid-19 sezu feto, ho naran inisiál (ODS) hakotu nia i’is iha sala izolamentu Vera Cruz, iha sabadu horseik mais ou menus iha tuku 4:00 lorokaraik.
Tuir kronolojia ne’ebé família konta tuir katak, antes ne’e matebian sofre moras feto, iha Postu Uatulari evakua mai Díli ho aviaun Helikóteru nune’e tuir tratamentu iha Hospital Nasionál Guidu Valadares (HNGV) matebian konsege kondisaun di’ak.
Hafoin iha loron kinta (06/05), matebian moras fila fali no konsege lori ba HNGV, pessoál saúde halo test swap ba matebian ikus mai rejultadu hatudu matebian positivu Covid-19, nune’e transfere ba sala isolamentu sentru Vera Cruz iha loron Sesta (07/05).
Oan mane husi matebian José Amaral hateten parte familia no sentru integradu jestaun krizi kordena ona sei lori sai mate isin husi sala isolamentu ba munisípiu Viqueque Postu Administrativu Uatulari.
” Ami atu lori mate isin ba Uatulari iha ne’eba sei halo tuir Estadu Emerjénsia no sei hanoin kedas husi familia koopera ho Sentru Integradu Jestaun Krize (SIJK), no halo tuir saída mak pessoal saúde sira koalia”, haktuir oan mane José Amaral ba jornalista sira iha sentru isolamentu Vera Cruz domingu (09/05).
Matebian ho naran inisial (ODS), mate ho tinan 71, husi suku Matahoi postu administrativu Uatulari munisípiu Viqueque, Matebian husik hela oan nain tolu. Ipe
