Deklarasaun Ministra Saúde Hamonu PM TMR
Naunil Media (Díli), Akademista, hanesan mós Dekanu husi ensinu superior Universidade Nasional Timor Lorosa’e (UNTL) Fakuldade Siénsias Sosiais (FCS- sigla portugés) Camilo Ximenes Almeida, deklara bainhira Membru governu ida mak naran ható deklarasaun la bazeia ba desizaun komum sei hamonu konfiansa povu nian-ba governu liu-liu ba xefi ezekutivu Taur Matan Ruak.
Camilo ható asuntu ne’e relsiona ho deklarasaun ne’ebé la hanesan husi Primeiru Ministru Taur Matan Ruak, ne’ebé mak antes ne’e nia deklara ona katak ema ne’ebé simu ona vasina ba dala rua sei lao livre iha teritriu nasional, tuir dekretu nú, 16/2021.
Maske nune, iha loron hirak liu ba husi ministra saúde Odete Maria Freitas Belo deklara, Vasina ba dala rua seidauk garantia atu lao livre.
Deklrasaun hirak ne’e konsidera hamis ona povu nia fiar ba iha lideransa sira ne’ebé mak dadaun ne’e lidera hela governu.
“Husu PM atu atensaun makas membru governu sira ne’ebé la hatudu nia loialidade ba governu, bele hasai i subtituí, ema seluk ne’ebé iha kapasidade naton, maibé hatene serbisu ekipa no hatene birokrasia la’os ema ne’ebé mak hatudu nia loialidade ba nia patraun no hamonu fali PM nia imajen iha povu ida ne’e nia leet”, dehan dekanu (FSC-UNTL) Camilo Ximenes Almeida ba Naunil Media liu husi Whatsapp, sesta (11/06).
Nia hatutan, hanoin saída mak governu dekreta ne’e mak los no halo tuir ida ne’e no ideia sira ne’ebé laiha fundamentu laiha nia folin atu halo diskusaun
“Nune saída mak Ministra saúde no Diretóra Gerál saúde koalia laiha fundamentu no bele kria polimika iha sosiedade atu povu sai antipatia ba governu da ualu l”, Katak nia.
Nia haktuir, observasaun durante ne’e besik tinan rua parte saúde hatudu nia kapasidade, oinsa mak sosializa ba sosiedade atu bele kumpriende kona-bá Covid-19, no kuase Orsamentu Jerál Estadu (OJE) tinan rua nia laran trata de’it ba Covid-19 mós problema nafatin, no ikus povu rona wainhira PM anunsiu katak ema ne’ebé mak vaksina ona dala rua lao livre hahu povu entusiasmu komesa barak mak voluntária ba vasina.
“La’os ida de’it Timor-Leste iha Estadus Unidus Amerika EUA Presidenti mós anunsiu hanesan katak povu Amerika ne’ebé vasina dala rua bele lao livre, bainhira sai iha liur maibé iha posibilidade uza maskra bainhira iha fatin ne’ebé karik iha movimentu ema barak” Nia hakotu.
Tuir dadus sidadaun ne’ebé simu ona vasina atstrazeneca iha teritoriu nasional iha fulan-Abril hamutuk, 28.412, husi total ne’e iha Kapital Díli nain-15,835 munisípiu 12,577.
Nune sidadaun ne’ebé simu ona vasina doze dahuluk iha Timor laran tomak hahu husi inisiu to mai agora hamutuk 93,525. Husi ne’e purjentu 12% idade hahú husi 18 ba leten. Lop
