MESSK Longuinhos: Ensinu Superior iha TL Tenke Tuir Vasina Sinovac
Naunil Media (Díli), Ministeru Ensinu Superior Siénsia no kultura (MESSK sigla portugés) husu estudante superior no docente sira iha Timor-Leste tenke tuir vasina Sinovac.
“Iha oportunidade ida ne’e ha’u nia mensajen ba docente estudante no funsionariu sira hotu para tuir vasina ne’ebé mak ohin halo kampaña vasinasaun ne’ebé ohin iha Fatin hotu hotu liu-liu iha munisípiu Díli”, Dehan Ministru ensinu superior siénsia no kultura Longuinhos dos Santos ba jornalista sira hafoin partisipa lansamentu vasina Sinovac iha kampus Liceu, Universidade Nasionál Timor Lorosa’e (UNTL), segunda (14/06).
Nia mós husu ba estudante sira ne’ebé mak agora iha hela munisípiu tenke halo teste swab atu ne’e bele mai tuir vasina ne’e.
” Husu estudante sira ne’ebé agora iha munisípiu hotu husu swab mai tuir vasina Sinovac,tanba ho vasainasaun ida ne’e mak loke dalan uniku atu bele prevene aan husi propagasaun Covid-19, no ho ida ne’e astretezia ida para ita bele realiza aktividade apredesial iha ensinu superior sira hotu hotu”, Tenik MESSK Longuinhos. Ivo
