Populasaun RAEOA 86% Asesu ona Enérjia Eletrisidade
Naunil Media (Oe-Cusse), Prezidente Autoridade Rejiaun Espesiál Oe-Cusse Ambeno (RAEOA), Arsénio Paixão Bano, hateten niani-populasaun 86% mak asesu ona enérjia eletrisidade.
“Tinan 7 liu-ba listrik iha Jona sentral ne’e lakan loron ida oras 3 deit, depois estrada mos la hanesan agora dadaun, liu tiha tinan 7, eletrisidade lakan to’o ona sub rejiaun hotu hotu”, Prezidente Autoridade RAEOA, Arsenio Bano, ba Jornalista sira iha Santa Rosa, RAEOA, Kinta (17/08).
Nia dehan “Agora ami ulun moras ituan ho knua, balu hakarak nia uma lisan ne’e mos listrik to’o, sei esforsu hodi to’o nafatin”, tenik nia.
Bano argumenta dadaun balu mak seidauk asesu tanba dook husi sidade, tanba ne’e mak atu hatete katak Oe-Cusse mudansa bo’ot.
“Hau atu dehan iha RAEOA 86% komunidade mak asesu ona ba enérjia eletrisidade, balu mak seidauk maibe nafatin esforsu hodi dada hotu linha eletrisidade ba komunidade sira”, katak nia.
Iha sorin seluk Xefe Suku Lalisuk, Hermenegildo Lalisuk, hateten durante ne’e nia observasaun ba Prezidente RAEOA iha nia mandatu ne’e serbisu diak, só que seidauk iha separasaun konaba asuntu estadu no Polítika.
Tuir dadaus aktualizadu husi RAEOA iha tinan 2023 total populasaun hamutuk 87 mil. Ana