Loke Universidade Katólika Iha TL, Arsebispo Dioseze Dili Entrega Dokumentus Ba MESSK
Naunil Media (Dili), Arsebispo Metropolitano Dioseze Dili Dom Virgílio do Carmo Da Silva ekontru ho parte ministeriu Ensinu Superior Siensia no Kultura (MESSK) entrega dokumentus husi Universidade nian hodi loke eskola universidade nian iha Timor-Leste.
“Ami determina fila fali ohin 16 Fulan jullu entrega fila fali dokumentu hotu ne’ebe tuir padraun instituisaun husu atu loke universidade katolika Timorense, universidade Ida ne’e Laos ha’u-nia mehi no Laos hau nia hakarak” dehan bibi atan sarani katolika ne’e ba jornalista iha salaun MESSK Colmera, Sexta (16/07/2021).
Lider ba igreza katólika ne’e deklara sira nia dever mak halo tuir regras hotu ne’ebe institutu superior fo atu bele hahu loke universidade katolika ninian iha temu besik.
“Ami ho ekipa Mai tanba iha (19/03) festa saun José ninian mak Ami hatama Ami nia Karta pedidu ba abertura do prosesu, depois de abertura prosesu iha fulan Ida ne’e nia laran ekipa Sira servisu maka’as hodi prepara kondisaun sira”.
Bispo ne’e haktuir, kona-ba dokumentu sira kompletu ona inklui hatan ona ba iha kadernu padraun ba lisensiatura inklui fasilidsde atinji ona 80%.
Aleinde ne’e Diretora Geral MESSK Filomena Lay hateten katak, iha fulan Marco Liu ba universidade kordena ho sira nia parte hato’o katak Dioseze Dili atu loke universidade katolika.
“Ami entrega kadernu padraun de Lisensiamentu para Na’i sira iha ne’eba hare hodi kompleta, no ohin 16 Fulan jullu Ministru Ensinu superior simu dokumentus husi estrutura universidade Katolika Timorense”. dehan diretora ne’e.
Diretora ne’e hateten, prosesu ba prosesa dokumentus atu lai ou tarde depende ba tekniku Sira. TLS
