Somotso husu PNTL Tenke Kontrola Makas Fronteira TL

Naunil Média (Díli), Prezidenti komisaun B ba asuntu seguransa ne’ebé trata asuntu Negósiu Estranjeiru, Defeza no Seguransa, José Agostinho Siqueira “Somotso” ,  Husu Polísia Nasionál Timor-Leste (PNTL) kontrola maka’as fronteira entre Timor- Leste (TL) ho Indonézia ho rigorozu, hodi nune’e kombate pandemia Covid-19.

“Husu Polísia Nasionál Timor-Leste (PNTL) tenke kontrola ho másimu, iha atividade movimentu ilegál iha fronteira ne’e la’ós foin Covid-19, maibé dezde uluk kedas,  movimentu sira ne’ebé iha fronteira ba mai tenke kontrolu ho rigór, tanba pandemia sempre mai husi li’ur”, dehan,Prezidente Komisaun B,ba jornalista sira,iha resintu Parlamentu Nasionál, kinta,(22/07).

Reprezenta povu ne’e hatutan, Estadu serbisu informasaun intelijénsia hatene hotu katak, pandemia la’ós ita mak prodús iha ita nia rai laran maibé mai hosi rai li’ur.

 “Oras ne’e rai hotu-hotu preokupa mak variante foun Delta Covid-19, tanba tama ona territóriu Indonézia nianentaun Timor-Leste tenke antesipa”, Katak nia.

Nia dehan, Movimentu ilegál ne’ebé ba mai ne’e konserteza hakarak ka lakohi sira sei lori variante Delta mai tama Timor.

“Tanba ne’e responsabilidade ba ita nia polísia no militár sira iha fronteira, sira tenke serbisu maka’as liu- liu ita-nia serbisu intelijénsia nia tilun no matan mak ita-nia polísia intelijénsia informasaun”, Katak nia.  Ana